Sunday, 12 June 2011

වේවා සදා අම්මේ නුඹ මගෙම...!!!

 කඳුලු පබළු එක මාලෙක
 අමුණා ගෙල බැන්ද ලියෙ...
 සිනහ පබළු මාල ගොතා
 හැම ගෙල වට බැන්ද ලියෙ...

 මැදියම එන තුරු හනිකට
 අපෙ තනියට උන්නු ලියෙ...
 හිරු නැග එන්නට මත්තෙන්
 අලුයම ගෙට ගත්තු ලියෙ...

 රෑ හිනෙන් අඩ නින්දෙන්
 දරු සුව නෙක පැතු ලියෙ...
 එක දිනයක් සුව නින්දක්
 නොලදා කල් ඇරිය ලියෙ...

 මහමෙරකට දුක දරන්න
 හිත හයියට තියෙන ලියෙ..
 අබටැකවත් අනුනට දුක්
 නොම දෙන හරි පුදුම ලියේ..

 නෙක පැතුමන් අහස උසට
 මවා ඉන්න සොදුරු ලියෙ...
 වෙන්නම් සුවඳ දිනයක මම
 නුඹෙ ලොවට සොදුරු ලියෙ...

No comments:

Post a Comment