Friday, 24 June 2011

මගෙ ලොවේ......

නෙතු පියන ඇසිල්ලට
                 සරන සිහිනය නුඹය...
නෙතු ඇරෙන නිමේෂෙට
                සොදුරු සිත්තම නුඹය....

නිහඩ ලොව තුළ නැගෙන
                එකම රස වදන නුඹ..
මහා හඬවල් මැද්දේ
               කොදුරනා වදන නුඹ...

කතර තුල සරන විට
               දියබිඳුව මට නුඹය...
දියෙන් පිරි ලෝ තලේ
              නෞකාව මට නුඹය..

සුසුම් ලනු බැරි ලොවේ
               ජිවයයි නුඹ මගෙ..
සුසුම් පිරි තනි ලොවේ
               සිනාවයි නුඹ මගෙ...

අඳුර පිරි මාරුතේ
               සඳ කැල්ම නුඹය මට...
එළිය පිරි රුදු ලොවේ
              සෙවනක්ය නුඹ මෙමට...

බොඳව යන මගෙ ලොවේ
              පැතුම් සයුරක්ය නුඹ...
පිබිදෙනා මගෙ ලොවේ
               එකම පැතුමත් නුඹය....

1 comment:

  1. මගේ ලොවට ඔබ වඩින තුරා...

    ReplyDelete